||Sundarakanda ||
|| Sarga 2||( Only Slokas in English)
||om tat sat||
Select Sloka Script in Devanagari / Telugu/ Kannada/ Gujarati /English
sundarakāṇḍa.
atha dvitīya sargaḥ
sa sāgara manādhr̥ṣya matikramya mahābalaḥ|
trikūṭa śikharē laṅkāṁ sthitāṁ svasthō dadarśa ha||1||
tataḥ pādapamuktēna puṣpavarṣēṇa vīryavān |
abhivr̥ṣṭaḥ sthitastatra babhau puṣpamayau yathā||2||
yōjanānāṁ śataṁ śrīmāṁ stīrtyā'pyuttamavikramaḥ|
aniśvr̥san kapistatra na glāniṁ adhigacchati||3||
śatānyahaṁ yōjanānāṁ kramēyaṁ subahūnyapi|
ki punassāgarasyāṁtaṁ saṁkhyātaṁ śatayōjanam||4||
sa tu vīryavatāṁśrēṣṭhaḥ plavatāmapi cōttamaḥ|
jagāma vēgavān laṅkāṁ laṅghayitvā mahōdadhim|| 5||
śādvalāni ca nīlāni gandhavanti vanāni ca|
gaṁḍavaṁti ca madhyēna jagāma nagavaṁti ca ||6||
śailāṁśca tarusaṁchannān vanarājīśca puṣpitāḥ|
abhicakrāma tējasvī hanumān plavagarṣabhaḥ||7||
sa tasmin acalē tiṣṭhan vanān upavanāni ca|
sa nagāgrē ca tāṁ laṅkāṁ dadarśa pavanātmajaḥ|| 8||
saraḷān karṇikārāṁśca kharjurāṁśca supuṣpitān|
priyālūn muciḷiṁdāṁśca kuṭajānkētakānapi||9||
priyāṁgūn gaṁdhapūrṇāṁścanīpān saptacchadāṁ stathā|
āsanān kōvidārāṁśca karavīrāṁśca puṣpitān ||10||
puṣpabhāra nibaddhāṁśca tathā mukuḷitā napi |
pādapān vihāgakīrṇān pavanādhūta mastakān || 11||
haṁsakāraṁḍavākīrṇā vāpīḥ padmōtpalāyutāḥ|
akrīḍān vividhān ramyān vividhāṁśca jalāśayān ||12||
saṁtatān vividhai rvr̥kṣaiḥ sarvartu phalapuṣpitaiḥ|
udyānāni ca ramyāṇi dadarśa kapikuñjaraḥ||13||
samāsādya lakṣmīvān laṅkāṁ rāvaṇapālitām|
parighābhiḥ sapadmābhiḥ utpalābhiralaṁkr̥tām||14||
sītāpaharāṇārthēna rāvaṇēna surakṣitām|
samaṁtā dvicaradbhiśca rākṣasaiḥ ugradhanvibhiḥ||15||
kāṁcanēnāvr̥tāṁ ramyāṁ prākārēṇa mahāpurīm|
gr̥haiśca grahasaṁkāśaiḥ śāradāṁbudasannibhaiḥ||16||
pāḍurābhiḥ pratōḷībhi ruccābhi rabhisaṁvr̥tām|
aṭṭālaśatākīrṇāṁ patākādhvajamālinīm||17||
tōraṇaiḥ kāṁcanairdivyaiḥ latāpaṁkti vicitritaiḥ|
dadarśa hanumān laṅkāṁ divi dēva purīm yathā||18||
girimūrdhni sthitāṁ laṅkāṁ pāṁḍurairbhavanai śśubhaiḥ|
dadarśa kapiśrēṣṭhaḥ puraṁ ākāśagaṁ yathā||19||
pālitāṁ rākṣasēṁdrēṇa nirmitāṁ viśvakarmaṇā|
plavamānā mivākāśē dadarśa hanumān purīm||20||
vapraprākāra jaghānāṁ vipulāmbunavāmburām|
śataghnīśūlakēśāntā maṭṭālakavataṁsakām||21||
manasēva kr̥tāṁ laṅkāṁ nirmitāṁ viśvakarmaṇā|
dvāra muttara māsādya cintayāmāsa vānaraḥ||22||
kailāsaśikhara prakhyāṁ ālikhantī mivāmburām|
ḍīyamānā mivākāśaṁ ucchritairbhavanōttamaiḥ||23||
sampūrṇāṁ rākṣasai rghōrairnāgai bhōgavatīmiva |
acintyāṁ sukr̥tāṁ spaṣṭāṁ kubērādhyuṣitāṁ purā||24||
daṁṣṭribhiḥ bahubhi śśūrai śśūlapaṭṭasapāṇibhiḥ|
rakṣitāṁ rākṣasairghōraiḥ guhā māśīviṣai riva|| 25||
tasyāśca mahatīṁ guptiṁ sāgaraṁ nirīkṣya saḥ|
rāvaṇaṁ ca ripuṁ ghōraṁ ciṁtayāmāsa vānaraḥ||26||
āgatyāpīha harayō bhaviṣyaṁti nirarthakāḥ|
na hi yuddhēna vai laṅkā śakyā jētuṁ surairapi||27||
imāṁ viṣamāṁ durgāṁ laṅkāṁ rāvaṇapālitāṁ|
prāpyāpi sa mahābāhuḥ kiṁ kariṣyati rāghavaḥ||28||
avakāśō na sāntvasya rākṣasēṣvabhigamyatē|
na dānasya na bhēdasya naiva yuddhasya dr̥śyatē||29||
caturṇāmēva hi gatiḥ vānarāṇāṁ mahātmanām|
vāliputrasya nīlasya mama rājñaśca dhīmataḥ||30||
yāvajjānāmivaidēhīṁ yadi jīvativā navā|
tatraiva ciṁtayiṣyāmi dr̥ṣṭvā tāṁ janakātmajam||31||
tatassaciṁtayāmāsa muhūrtaṁ kapikuṁjaraḥ|
gririśr̥ṅgē sthitaḥ tasmin rāmasyābhyudayē rataḥ||32||
anēna rūpēṇa mayā na śakyā rakṣasāṁ purī|
pravēṣṭhuṁ rākṣasairguptā krūrairbalasamanvitaiḥ||33||
ugraujasō mahāvīryā balavaṁtaśca rākṣasāḥ|
vaṁcanīyā mayā sarvē jānakīṁ parimārgatā||34||
lakṣyālakṣyēṇa rūpēṇa rātrau laṅkāpurī mayā|
pravēṣṭuṁ prāptakālaṁ mē kr̥tyaṁ sādhayitum mahat||35||
tāṁ purīṁ tādr̥śīṁ dr̥ṣṭvā durādharṣāṁ surāsuraiḥ|
hanumān ciṁtayāmāsa viniścitya muhurmuhuḥ|| 36||
kēnōpāyēna paśyēyaṁ maithilīṁ janakātmajām|
adr̥ṣṭhō rākṣasēṁdrēṇa rāvaṇēna durātmanā||37||
na vinaśyēt kathaṁ kāryaṁ rāmasya viditātmanaḥ|
ēkāmēkaśca paśyēyaṁ rahitē janakātmajām||38||
bhūtaścārthā vipadyaṁtē dēśakālavirōdhitāḥ|
viklabaṁ dūtamāsādya tama sūryōdayē yathā||39||
arthānarthāṁtarē buddhirniścitāspi naśōbhatē |
ghātayaṁti hi kāryāṇi dūtāḥ paṁḍitamāninaḥ||40||
na vinaśyēt kathaṁ kāryaṁ vaiklabyaṁ na kathaṁ bhavēt|
laṁghanaṁ ca samudrasya kathaṁ nu na vr̥thābhavēt||41||
mayi dr̥ṣṭē tu rakṣōbhi rāmasya viditātmanaḥ|
bhavēdvarthamidaṁ kāryaṁ rāvaṇānartha micchataḥ||42||
na hi śakyaṁ kvacit sthātuṁ avijñātēna rākṣasaiḥ|
api rākṣasa rūpēṇa kimutānyēna kēna cit||43||
vāyurapyatra nājñātaḥ carēt iti matirmama|
na hyasta viditaṁ kiṁcit rākṣasānāṁ balīyasām||44||
ihāhaṁ yadi tiṣṭāmi svēna rūpēṇa saṁvr̥taḥ|
vināśamupayāsyāmi bharturarthaśca hīyatē||45||
tadahaṁ svēna rūpēṇa rajanyāṁ hrasvatāṁ gataḥ|
laṁkāṁ abhipatiṣyāmi rāghavasyārtha siddhayē||46||
rāvaṇasya purīm rātrau praviśya sudurāsadām|
vicinvan bhavanaṁ sarvaṁ drakṣyāmi janakātmajām||47||
iti saṁcitya hanumān sūryasyāstamayaṁ kapiḥ|
ācakāṁkṣē tadā vīrō vaidēhyā darśanōtsukaḥ||48||
sūryē cāstaṁ gatē rātrau dēhaṁ saṁkṣipya mārutiḥ|
vr̥ṣadaṁśakamātrassan babhūvādbhuta darśanaḥ||49||
pradōṣakālē hanumāṁstūrṇa mutplutya vīryavān|
pravivēśa purīṁ ramyāṁ suvibhakta mahāpathām||50||
prāsādamālāvitatam staṁbhaiḥ kāñcana rājataiḥ|
śātakuṁbhamayairjālaiḥ gaṁdharvanagarōpamām|| 51||
saptabhaumāṣṭabhaumaiśca muktājāla vibhūṣitaiḥ|
talaiḥ sphāṭika saṁkīrṇaiḥ kārtasvaravibhūṣitaiḥ||52||
vaiḍūryamaṇicitraiśca muktājāla vibhūṣitaiḥ|
talaiḥ śuśśubhirē tāni bhavanānyatra rakṣasām||53||
kāṁcanāni ca citrāṇi tōraṇāni ca rakṣasām|
laṁkāmudyōtayāmāsuḥ sarvataḥ samalaṁkr̥tām||54||
aciṁtyā madbhutākāraṁ dr̥ṣṭvā laṁkāṁ mahākapiḥ|
āsīdviṣaṇṇō hr̥ṣṭaśca vaidēhyā darśanōtsukaḥ||55||
sa pāṇḍurāviddha vimānamālinīm mahārhajāṁbūnada jālatōraṇām|
yaśasvinīṁ rāvaṇabāhupālitām kṣapācarai rbhīmabalaiḥ samāvr̥tām|| 56||
caṁdrō'pi sācivya mivāsya kurvan tārāgaṇairmadhyagatō virājan|
jyōtsnāvitānēna vitatyalōkaṁ uttiṣṭatēnaikasahasraraśmiḥ||57||
śaṁkhaprabhaṁ kṣīramr̥ṇāḷavarṇaṁ udgacchamānaṁ vyavabhāsamānam|
dadarśa candraṁ sa haripravīra pōplūyamānaṁ sarasīva haṁsam||57||
ityārṣē śrīmadrāmāyaṇē ādikāvyē vālmīkīyē
caturviṁśat sahasrikāyāṁ saṁhitāyām
śrīmatsundarakāṇḍē dvitīya ssargaḥ||
||om tat sat||